-
Диакон:
Миром Господу помолимся.
-
Лик:
Господи, помилуй.
-
Диакон:
О свышнем мире и спасении душ наших,
Господу помолимся.
-
Лик:
Господи, помилуй.
-
Диакон:
О мире всего мира, благостоянии святых
Божиих Церквей и соединении всех,
Господу помолимся.
-
Лик:
Господи, помилуй.
-
Диакон:
О святем храме сем и с верою, благоговением
и страхом Божиим входящих в онь,
Господу помолимся.
-
Лик:
Господи, помилуй.
-
Диакон:
О Господине нашем
{Святейшем | Высокопреосвященнейшем | Преосвященнейшем}
{Патриархе | Митрополите | Епископе}
(Н.), честнем пресвитерстве,
во Христе диаконстве, и всем причте и людех,
Господу помолимся.
-
Лик:
Господи, помилуй.
-
Диакон:
О стране сей, правителех и воинстве ея
и о всякой христианстей стране,
Господу помолимся.
-
Лик:
Господи, помилуй.
-
Диакон:
О граде сем, всяком граде, стране и верою
живущих в них, Господу помолимся.
-
Лик:
Господи, помилуй.
-
Диакон:
О благорастворении воздухов, о изобилии плодов
земных и временех мирных, Господу помолимся.
-
Лик:
Господи, помилуй.
-
Диакон:
О плавающих, путешествующих,
недугующих, страждущих, плененных
и о спасении их, Господу помолимся.
-
Лик:
Господи, помилуй.
-
Диакон:
О избавитися нам от всякия скорби, гнева и
нужды, Господу помолимся.
-
Лик:
Господи, помилуй.
-
Диакон:
Заступи, спаси, помилуй и сохрани нас,
Боже, Твоею благодатию.
-
Лик:
Господи, помилуй.
-
Диакон:
Пресвятую, пречистую, преблагословенную,
славную Владычицу нашу Богородицу и Приснодеву
Марию, со всеми святыми помянувше,
сами себе и друг друга, и весь живот наш
Христу Богу предадим.
-
Лик:
Тебе, Господи.
-
Иерей:
Яко подобает Тебе всякая слава, честь и
поклонение, Отцу и Сыну и Святому Духу,
ныне и присно и во веки веков.
-
Лик:
Аминь.
-
Диакон:
Паки и паки миром Господу помолимся.
-
Лик:
Господи, помилуй.
-
Диакон:
Заступи, спаси, помилуй и сохрани нас,
Боже, Твоею благодатию.
-
Лик:
Господи, помилуй.
-
Диакон:
Пресвятую, Пречистую, Преблагословенную,
Славную Владычицу нашу Богородицу и Приснодеву
Марию, со всеми святыми помянувше,
сами себе, и друг друга, и весь живот наш
Христу Богу предадим.
-
Лик:
Тебе, Господи.
-
Иерей:
Яко Твоя держава,
и Твое есть Царство, и сила, и слава,
Отца и Сына и Святаго Духа,
ныне и присно и во веки веков.
-
Лик:
Аминь.
-
Диакон:
Паки и паки миром Господу помолимся.
-
Лик:
Господи, помилуй.
-
Диакон:
Заступи, спаси, помилуй и сохрани нас,
Боже, Твоею благодатию.
-
Лик:
Господи, помилуй.
-
Диакон:
Пресвятую, Пречистую, Преблагословенную,
Славную Владычицу нашу Богородицу и Приснодеву
Марию, со всеми святыми помянувше,
сами себе, и друг друга, и весь живот наш
Христу Богу предадим.
-
Лик:
Тебе, Господи.
-
Иерей:
Яко благ и Человеколюбец Бог еси,
и Тебе славу возсылаем,
Отцу и Сыну и Святому Духу,
ныне и присно и во веки веков.
-
Лик:
Аминь.
-
Диакон:
Премудрость, прости.
-
Лик:
Приидите, поклонимся, и припадем ко Христу.
Спаси ны, Сыне Божий,
воскресый из мертвых,
поющия Ти: Аллилуйя, аллилуйя, аллилуйя.
-
Иерей:
Яко Свят еси, Боже наш, и Тебе славу
возсылаем, Отцу и Сыну и Святому Духу,
ныне и присно ...
-
Диакон:
Господи, спаси благочестивыя, и услыши ны!
-
Лик:
Господи, спаси благочестивыя, и услыши ны!
-
Диакон/Иерей:
... и во веки веков.
-
Лик:
Аминь.
(Чтец читает положенный прокимен, с соответствующими
повторениями лика (хора), и читает Апостол.
После чтения, чтец бозглашает:
Аллилуйя, аллилуйя, аллилуйя!)
(Чтец читает стихи аллилуария, с припевом хора
«Аллилуйя» после каждого стиха.)
(Диакон читает св. Евангелие.)
-
Диакон:
Рцем вси от всея души, и от всего
помышления нашего рцем:
-
Лик:
Господи, помилуй.
-
Диакон:
Господи Вседержителю, Боже отец наших,
молим Ти ся, услыши и помилуй.
-
Лик:
Господи, помилуй.
-
Диакон:
Помилуй нас, Боже, по велицей милости Твоей,
молим Ти ся, услыши и помилуй.
-
Лик:
Господи, помилуй. (3x)
-
Диакон:
Еще молимся о Господине нашем
{Святейшем | Высокопреосвященнейшем | Преосвященнейшем}
{Патриархе | Митрополите | Епископе} (Н.),
и всей во Христе братии нашей.
-
Лик:
Господи, помилуй. (3x)
-
Диакон:
Еще молимся о стране сей, правитетех и
воинстве ея и о всякой христианстей стране.
-
Лик:
Господи, помилуй. (3x)
-
Диакон:
Еще молимся о блаженных и приснопамятных,
святейших патриарсех православных,
о создателех святаго храма сего,
и о всех преждепочивших
отцех и братиях, зде лежащих и
повсюду православных.
-
Лик:
Господи, помилуй. (3x)
-
Диакон:
Еще молимся о милости, жизни, мире,
здравии, спасении, посещении, прощении и оставлении
грехов рабов Божиих, братии святаго храма сего.
-
Лик:
Господи, помилуй. (3x)
-
Диакон:
Еще молимся о плодоносящих и добродеющих
во святем и всечестнем храме сем, труждающихся,
поющих и предстоящих людех, ожидающих
от Тебе великия и богатыя милости.
-
Лик:
Господи, помилуй. (3x)
-
Иерей:
Яко милостив Человеколюбец Бог еси,
и Тебе славу возсылаем,
Отцу и Сыну и Святому Духу,
ныне и присно и во веки веков.
-
Лик:
Аминь.
-
Диакон:
Помолитеся, оглашеннии, Господеви.
-
Лик:
Господи, помилуй.
-
Диакон:
Вернии, о оглашенных помолимся, да Господь
помилует их.
-
Лик:
Господи, помилуй.
-
Диакон:
Огласит их словом истины.
-
Лик:
Господи, помилуй.
-
Диакон:
Открыет им Евангелие правды.
-
Лик:
Господи, помилуй.
-
Диакон:
Соединит их святей Своей соборней и
Апостолской Церкви.
-
Лик:
Господи, помилуй.
-
Диакон:
Спаси, помилуй, заступи и сохрани их, Боже,
Твоею благодатию.
-
Лик:
Господи, помилуй.
-
Диакон:
Оглашении, главы ваша Господеви приклоните.
-
Лик:
Тебе, Господи.
-
Иерей:
Да и тии с нами славят пречестное и
великолепое Имя Твое, Отца и Сына и Святаго Духа,
ныне и присно и во веки веков.
-
Лик:
Аминь.
-
Диакон:
Елицы оглашеннии, изыдите, оглашеннии, изыдите,
елицы оглашеннии, изыдите. Да никто от оглашенных, елицы
вернии, паки и паки миром Господу помолимся.
-
Лик:
Господи, помилуй.
-
Диакон:
Заступи, спаси, помилуй и сохрани нас,
Боже, Твоею благодатию.
-
Лик:
Господи, помилуй.
-
Диакон:
Премудрость!
-
Иерей:
Яко подобает Тебе всякая слава, честь и
поклонение, Отцу и Сыну и Святому Духу,
ныне и присно и во веки веков.
-
Лик:
Аминь.
-
Диакон:
Паки и паки миром Господу помолимся.
-
Лик:
Господи, помилуй.
-
Диакон:
О свышнем мире и спасении душ наших,
Господу помолимся.
-
Лик:
Господи, помилуй.
-
Диакон:
О мире всего мира, благостоянии святых
Божиих Церквей и соединении всех, Господу
помолимся.
-
Лик:
Господи, помилуй.
-
Диакон:
О святем храме сем и с верою,
благоговением и страхом Божиим входящих в онь,
Господу помолимся.
-
Лик:
Господи, помилуй.
-
Диакон:
О избавитися нам от всякия скорби, гнева и
нужды, Господу помолимся.
-
Лик:
Господи, помилуй.
-
Диакон:
Заступи, спаси, помилуй, и сохрани нас,
Боже, Твоею благодатию.
-
Лик:
Господи, помилуй.
-
Диакон:
Премудрость!
-
Иерей:
Яко подобает Тебе всякая слава, честь и
поклонение, Отцу и Сыну и Святому Духу,
ныне и присно и во веки веков.
-
Лик:
Аминь.
-
Диакон:
Исполним молитву нашу Господеви.
-
Лик:
Господи, помилуй.
-
Диакон:
О предложенных честных Дарех, Господу помолимся.
-
Лик:
Господи, помилуй.
-
Диакон:
О святем храме сем и с верою, благоговеньем
и страхом Божиим входящих в онь, Господу помолимся.
-
Лик:
Господи, помилуй.
-
Диакон:
О избавитися нам от всякия скорби, гнева и
нужды, Господу помолимся.
-
Лик:
Господи, помилуй.
-
Диакон:
Заступи, спаси, помилуй и сохрани нас, Боже,
Твоею благодатию.
-
Лик:
Господи, помилуй.
-
Диакон:
Дне всего совершенна, свята, мирна и безгрешна
у Господа просим.
-
Лик:
Подай, Господи.
-
Диакон:
Ангела мирна, верна наставника, хранителя
душ и телес наших у Господа просим.
-
Лик:
Подай, Господи.
-
Диакон:
Прощения и оставления грехов и прегрешений
наших у Господа просим.
-
Лик:
Подай, Господи.
-
Диакон:
Добрых и полезных душам нашим и мира
мирови у Господа просим.
-
Лик:
Подай, Господи.
-
Диакон:
Прочее время живота нашего в мире и
покаянии скончати у Господа просим.
-
Лик:
Подай, Господи.
-
Диакон:
Христианския кончины живота нашего,
безболезненны, непостыдны, мирны, и добраго ответа на
страшнем судищи Христове просим.
-
Лик:
Подай, Господи.
-
Диакон:
Пресвятую, пречистую, преблагословенную,
славную Владычицу нашу Богородицу и Приснодеву
Марию, со всеми святыми помянувше, сами себе и друг
груга, и весь живот наш Христу Богу предадим.
-
Лик:
Тебе, Господи.
-
Иерей:
Щедротами Единороднаго Сына Твоего,
с Нимже благословен еси, со пресвятым и благим и
животворящим Твоим Духом, ныне и присно и во веки веков.
-
Лик:
Аминь.
-
Иерей:
Мир всем.
-
Лик:
И духови Твоему.
-
Диакон:
Возлюбим друг друга, да единомысльем исповемы.
-
Лик:
Отца и Сына и Святаго Духа, Тройцу единосущную
и нераздельную.
-
Диакон:
Двери, двери, премудростию вонмем.
-
Лик:
Верую во единаго Бога Отца,
Вседержителя, Творца небу и земли,
видимым же всем и невидимым.
И во единаго Господа Иисуса Христа, Сына Божия,
Единороднаго, Иже от Отца рожденнаго прежде всех век:
Света от Света, Бога истинна от Бога истинна,
рожденна, несотворенна, единосущна Отцу, Имже вся быша.
Нас ради человек и нашего ради спасения
сшедшаго с небес и воплотившагося
от Духа Свята и Марии Девы и вочеловечшася.
Распятаго же за ны при Понтийстем Пилате,
и страдавша, и погребенна.
И воскресшаго в третий день по писанием.
И возшедшаго на небеса,
и седяща одесную Отца.
И паки грядущаго со славою судити живым и мертвым,
Егоже Царствию не будет конца.
И в Духа Святаго, Господа животворящаго,
Иже от Отца исходящаго,
Иже со Отцем и Сыном спокланяема и сславима,
глаголавшаго пророки.
Во едину святую, соборную и Апостольскую Церковь.
Исповедую едино крещение во оставление грехов.
Чаю воскресения мертвых:
И жизни будущаго века. Аминь.
-
Диакон:
Станем добре, станем со страхом: вонмем,
святое возношение в мире приносити.
-
Лик:
Милость мира, жертву хваления.
-
Иерей:
Благодать Господа нашего Иисуса Христа,
и любы Бога и Отца, и причастие Святаго Духа
буди со всеми вами.
-
Лик:
И со дохом твоим.
-
Иерей:
Горе имеим сердца.
-
Лик:
Имамы ко Господу.
-
Иерей:
Благодарим Господа.
-
Лик:
Достойно и праведно есть
покланятися Отцу и Сыну и Святому Духу,
Троице единосущней и нерасдельней.
-
Иерей:
...Победную песнь поюще, вопиюще,
взывающе и глаголюще:
-
Лик:
Свят, свят, свят, Господь Саваоф!
Исполнь небо и земля славы Твоея,
осанна в вышних,
благославен грядый во имя Господне,
осанна в вышних!
-
Иерей:
Приимите, ядите, сие есть Тело Мое,
еже за вы ломимое во оставление грехов.
-
Лик:
Аминь.
-
Иерей:
Пийте от нея вси, сия есть Кровь Моя новаго
завета, яже за вы и за многи изливаемая во
оставление грехов.
-
Лик:
Аминь.
-
Иерей:
Твоя от Твоих Тебе приносяще
о всех и за вся.
-
Лик:
Достойно есть, яко воистину, блажити Тя
Богородицу,
присноблаженную и пренепорочную,
и Матерь Бога нашего.
Честнейшую херувим,
и славнейшую без сравнения серафим,
без истления Бога Слова рождшую,
сущую Богородицу Тя величаем.
-
Диакон:
В первых помяни, Господи, Господина
нашего (святейшаго, высокопреосвященнейшаго,
преосвященнейшаго) (Патриарха, Митрополита,
Епископа) (Н.), егоже даруй святым Твоим Церквам,
в мире, целых, честных, здравых, долгоденствующих,
право правящих слово Твоея истинны.
-
Лик:
И всех, и вся.
-
Иерей:
И даждь нам единеми усты, и единем сердцем,
славити и воспевати пречестное и великолепое Имя Твое,
Отца, и Сына, и Святаго Духа, ныне и присно,
и во веки веков.
-
Диакон:
Вся святыя помянувше, паки и паки миром
Господу помолимся.
-
Лик:
Господи, помилуй.
-
Диакон:
О принесенных и освященных честных Дарех,
Господу помолимся.
-
Лик:
Господи, помилуй.
-
Диакон:
Яко да Человеколюбец Бог наш, прием я
во святый и пренебесный и мысленный Свой жертвенник,
в воню благоухания духовнаго, возниспослет нам
Вожественную благодать и дар Святаго Духа, помолимся.
-
Лик:
Господи, помилуй.
-
Диакон:
О избавитися нам от всякия скорби, гнева и
нужды, Господу помолимся.
-
Лик:
Господи, помилуй.
-
Диакон:
Заступи, спаси, помилуй и сохрани нас, Боже,
Твоею благодатию.
-
Лик:
Господи, помилуй.
-
Диакон:
Дне всего совершенна, свята, мирна и безгрешна
у Господа просим.
-
Лик:
Подай, Господи.
-
Диакон:
Ангела мирна, верна наставника, хранителя
душ и телес наших у Господа просим.
-
Лик:
Подай, Господи.
-
Диакон:
Прощения и оставления грехов и прегрешений
наших у Господа просим.
-
Лик:
Подай, Господи.
-
Диакон:
Добрых и полезных душам нашим и мира мирови
у Господа просим.
-
Лик:
Подай, Господи.
-
Диакон:
Прочее время живота нашего в мире и
покаянии скончати у Господа просим.
-
Лик:
Подай, Господи.
-
Диакон:
Христианския кончины живота нашего,
безболезненны, непостыдны, мирны, и добраго ответа на
страшнем судищи Христове просим.
-
Лик:
Подай, Господи.
-
Диакон:
Соединение веры и причастия Святаго Духа
испросивше, сами себе и друг друга, и весь живот наш Христу
Богу предадим.
-
Лик:
Тебе, Господи.
-
Иерей:
И сподоби нас, Вдадыко, со дерзновением,
неосужденно смети призывати Тебе, Небеснаго Бога Отца,
и глаголати:
-
Лик:
Отче наш, Иже еси на небесех,
да святится имя Твое,
да приидет Царствие Твое,
да будет воля Твоя,
яко на небеси и на земли.
Хлеб наш насущный даждь нам днесь,
и остави нам долги наша,
якоже и мы оставляем должником нашим:
и не введи нас во искушение,
но избави нас от лукаваго.
-
Иерей:
Яко Твое есть Царство и сила и слава,
Отца и Сына и Святаго Духа,
ныне и присно и во веки веков.
-
Лик:
Аминь.
-
Иерей:
Мир всем.
-
Лик:
И дохови твоему.
-
Диакон:
Главы ваша Господеви приклоните.
-
Лик:
Тебе, Господи.
-
Иерей:
Благодатию и щедротами и человеколюбием
Единороднаго Сына Твоего, с Нимже благословен еси,
со пресвятым и благим и животворящим Твоим Духом,
ныне и присно и во веки веков.
-
Лик:
Аминь.
-
Диакон:
Вонмем.
-
Иерей:
Святая святым.
-
Лик:
Един свят, един Господь, Иисус Христос,
во славу Бога Отца. Аминь.
(Иерей причащаем верующих Св. Таинств.)
После причащения, возглас:
-
Иерей:
Спаси, Боже, люди Твоя и благослови
достояние Твое.
-
Лик:
Видехом свет истинный,
прияхом Духа небеснаго,
обретохом веру истинную,
нераздельней Троице покланяемся:
Та бо нас спасла есть.
-
Иерей:
(тихо) Благословен Бог наш...
(вслух) всегда, ныне и присно и во веки веков.
-
Лик:
Аминь.
Да исполнятся уста наша хваления Твоего, Господи,
яко да поем славу Твою,
яко сподобил еси нас причаститися святым Твоим, Божественным,
безсмертным и животворящим Тайнам.
Соблюди нас во Твоей святыни
весь день поучатися правде Твоей.
Аллилуйя, аллилуйя, аллилуйя.
-
Диакон:
Прости, приимше Божественных, святых,
пречистых, безсмертных, небесных и животворящих,
страшных Христовых Таин, достойно благодарим Господа.
-
Лик:
Господи, помилуй.
-
Диакон:
Заступи, спаси, помилуй и сохрани нас,
Боже, Твоею благодатию.
-
Лик:
Господи, помилуй.
-
Диакон:
День весь совершен, свят, мирен и безгрешен
испросивше, сами себе и друг друга, и весь живот наш
Христу Богу предадим.
-
Лик:
Тебе, Господи.
-
Иерей:
Яко Ты еси освящение наше,
и Тебе славу возсылаем, Отцу и Сыну и Святому Духу,
ныне и присно и во веки веков.
-
Лик:
Аминь.
-
Иерей:
С миром изыдем.
-
Лик:
О имени Господни.
-
Диакон:
Господу помолимся.
-
Лик:
Господи, помилуй.
-
Иерей:
Благословляяй благословящия Тя,
Господи, и освящаяй на Тя уповающия,
спаси люди Твоя и благослови достояние Твое,
исполнение Церкве Твоея сохрани,
освяти любящия благолепие дому Твоего:
Ты тех воспрослави Божественною Твоею силою,
и не остави нас уповающих на Тя.
Мир мирови Твоему даруй, Церквам Твоим,
священником, и всем людем Твоим.
Яко всякое даяние благо, и всяк дар совершен свыше есть,
сходяй от Тебе Отца светов:
и Тебе славу, и благодарение, и поклонение возсылаем,
Отцу и Сыну и Святому Духу,
ныне и присно и во веки веков.
-
Лик:
Аминь.
Буди имя Господне благословенно от ныне и до века.
Буди имя Господне благословенно от ныне и до века.
Буди имя Господне благословенно от ныне и до века.
-
Иерей:
Благословение Господне на вас, Того
благодатию и человеколювием, всегда, ныне и присно
и во веки веков.
-
Лик:
Аминь.
-
Иерей:
Слава Тебе, Христе Боже, упование наше,
слава Тебе.
-
Лик:
Слава Отцу и Сыну и Святому Духу,
и ныне, и присно, и во веки веков. Аминь.
Господи, помилуй. (3x)
[Владыко,] Благослови.